Орчны шинжилгээний мэдээ > Гадаргын усны чанар
Дорнод аймгийн гадаргын усны чанарын 2022 оны 7 дугаар сарын төлөв байдал
Дорнод аймгийн УЦУОШТөвийн Байгаль орчны шинжилгээний лаборатори нь усны чанарын хяналт-шинжилгээний хөтөлбөрийн дагуу 2022 оны 7 дугаар сард Халх гол- Сүмбэр дээд, доод цэг, Халхгол-Баянхошуу, Халх гол- Буйр нуур, Буйр нуур- Загасны үйлдвэр, Хөхнуур- 37-р зөрлөг, Нөмрөг гол -Хилийн застав Хэрлэн голын 1, 2, 3, 4-р чиглэл зэрэг хяналт шинжилгээний 13 цэгээс усны сорьц авч, усны химийн найрлага, чанарын үзүүлэлтүүдийг тодорхойллоо. 2022 оны 7 дугаар сард хийсэн Дорнод аймгийн гадаргын усны шинжилгээний дүнг бохирдлын гол үзүүлэлтүүдээр MNS4586-98 усны чанарын стандарттай харьцуулан 1 дүгээр хүснэгтэд үзүүлэв.
Дүгнэлт:
Дорнод аймгийн гадаргын усны 2022 оны 7 дугаар сарын хяналт-шинжилгээний дүнгээс үзэхэд гол, нуурын усны эрдэсжилтийн дундаж нь 541.2 мг/л ба хамгийн их эрдэсжилттэй 37-р зөрлөг- Хөхнуурын ус нь 4407.3 мг/л, хамгийн бага эрдэсжилттэй нь Халхгол-Буйр нуурын ус нь 144.1 м/л-т хэлбэлзэж байлаа. Усны чанарын үзүүлэлтийг MNS4586-98 усны чанарын стандарттай харьцуулахад Хэрлэн голын 1, 2-р чиглэлийн усан дахь нитритийн агууламж, Улз-Эрээнцав хяналтын цэгийн усан дахь аммонийн азот /NН4/-ын агууламж, 37-р зөрлөг- Хөхнуур хяналтын цэгийн усан дахь перманганатын исэлдэх чанар, хлорид, фтор /F/-ын агууламж нь хүлцэх агууламжаас тус тус давсан байна.
Бусад гол нуурын ус нь стандартын дагуу байлаа.
ДОРНОД АЙМГИЙН УС ЦАГ УУР ОРЧНЫ ШИНЖИЛГЭЭНИЙ ТӨВ
БАЙГАЛЬ ОРЧНЫ ШИНЖИЛГЭЭНИЙ ЛАБОРАТОРИ
2022.07.29